आरक्षण ही समस्या नाही, तर ती एका मोठ्या समस्येचा परिणाम आहे — जातिव्यवस्था!

आरक्षण नको म्हणणाऱ्यांनो आधी जातिव्यवस्था नष्ट करायला तयार आहात का?

आजकाल सोशल मीडियावर आरक्षणविरोधी अनेक संदेश व्हायरल होत आहेत. पण एक मूलभूत प्रश्न कोणी विचारत नाही — जर आरक्षण एवढं चुकीचं असेल, तर जातिव्यवस्था नष्ट करण्यासाठी आपण तयार आहोत का?

आरक्षण ही समस्या नाही, तर ती एका मोठ्या समस्येचा परिणाम आहे — जातिव्यवस्था. शतकानुशतकं काही समाजघटकांना शिक्षण, संधी आणि सन्मानापासून वंचित ठेवण्यात आलं. त्यामुळेच त्यांना समान संधी देण्यासाठी आरक्षणाची व्यवस्था निर्माण करण्यात आली.

डॉ. बाबासाहेब आंबेडकर यांनी स्पष्ट सांगितले होते —
“जाति नष्ट केली नाही, तर समानता कधीच येणार नाही.”

मग प्रश्न असा आहे —

• जर आपण खरोखर समानता मानत असू, तर जात अजूनही का जिवंत आहे?
• लग्न, समाज, राजकारण यात अजूनही जात का ठरते?
• जातिव्यवस्था नष्ट करण्यासाठी आपण कितपत प्रयत्न करतो?

गरीबी जात पाहून येत नाही — हे खरे आहे. पण भारतात अनेक पिढ्यांपासून जातीनुसार अन्याय झाला आहे, हेही तितकेच खरे आहे. म्हणूनच आरक्षण हे केवळ आर्थिक नाही, तर सामाजिक न्यायाचं साधन आहे.

आरक्षण हटवण्याची घाई करू नका, जातिव्यवस्था हटवण्याची तयारी करा!

जर खरंच समानता हवी असेल, तर फक्त आरक्षणावर टीका न करता समाजात बदल घडवण्याची जबाबदारी स्वीकारावी लागेल.

---

#श्रमिकक्रांती #गरीबांचाआवाज #सामाजिकन्याय #जातिव्यवस्था

लेखक : अरुण रामचंद्र पांगारकर

प्रणेता,
श्रमिक क्रांती – गरीबांचा आवाज